डोटीमा जीप दुर्घटना हुँदा चार जनाको ज्यान गएको छ । धनगढीबाट बाजुरा जाँदै गरेको ग २ च २७७६ नम्बरको बोलेरो जीप गएराति साढे २ बजे डोटीको शिखर नगरपालिका-२ अण्यौलस्थित केआई सिंह राजमार्गमा दुर्घटना भएको हो ।
दुर्घटनामा चार जनाको ज्यान गएको जिल्ला प्रहरी कार्यालयका प्रवक्ता डीएसपी निशान्त श्रीवासवले बताए । उनका अनुसार मृतक तीन जनाको शव फेला परेको छ भने एक जनाको शव भेटिएको छैन ।
दुर्घटना ६ जना घाइते भएका छन् । उनीहरूको डोटीकै शैलेश्वरी अस्पतालमा उपचार भइरहेको उनले बताए । मृतकको सनाखत हुन बाँकी छ ।
जीप अनियन्त्रित भई सेती खोलामा खसेको उनले बताए ।
