काठमाडौं । केपी ओली कप टी–२० क्रिकेट प्रतियोगिताको उपाधि जितेको मधेस प्रदेश टिमका खेलाडी एवं पदाधिकारीहरुलाई मुख्यमन्त्री सरोजकुमार यादवले सम्मान गरेका छन् ।
मुख्यमन्त्री यादवले बुधबार खेलाडी एवं पदाधिकारीहरुलाई सम्मान गरेका हुन् । सो अवसरमा उनले प्रदेशका खेलाडीहरुलाई सुविधा दिएर हरेक जिल्लामा खेलकुदको पूर्वाधार विकास गरिने बताए ।
मुख्यमन्त्री यादवले विजयी टिमलाई प्रोत्साहनस्वरूप पाँच लाख प्रदान गरिने घोषणा पनि गरे । मुख्यमन्त्री यादव, प्रदेशसभा सदस्य रामाशीष यादव र प्रदेशका प्रमुख सचिव दिनेश कुमार घिमिरेले खेलाडी, प्रशिक्षक एवं पदाधिकारीहरुलाई सम्मान गरेका थिए ।
पोखरामा मंसिर १५ गते भएको फाइनल खेलमा मधेस प्रदेशले त्रिभुवन आर्मी क्लबलाई ११ रनले पराजित गरेको थियो ।
