काठमाडौं– जिल्ला प्रहरी कार्यालय कास्कीले अदालतबाट फैसला भएर फरार रहेका ज्यानसम्बन्धी मुद्दाका प्रतिवादीलाई पक्राउ गरेको छ।
गत भदौ १८ गते जिल्ला अदालतको फैसलाबाट ज्यान सम्बन्धी कसुरमा १० वर्ष कैद र एक लाख ४ हजार जरिवाना तोकिएका फरार प्रतिवादीलाई बिहीबार बिहान साढे ११ बजे पक्राउ गरेको हो।
९ वर्ष ११ महिना १८ दिन र एक लाख ४ हजार जरिवाना भुक्तान गर्न बाँकी कास्कीको मादी गाउँपालिका–६ का ४४ वर्षीय कृष्णबहादुर श्रेत्रीलाई पक्राउ गरिएको हो। उनलाई अदालतमा पेस गरिएकोमा फैसला कार्यान्वयनका लागि कारागार चलान गरिएको प्रहरीले जनाएको छ।
