काठमाडौं । जिल्ला प्रहरी परिसर ललितपुरको प्रहरी प्रमुखको जिम्मेवारी एसएसपी शेखर खनालले पाएका छन् ।
गृहमन्त्री स्तरीय निर्णयले शुक्रवार ललितपुर प्रहरी प्रमुखमा एसएसपी खनालको काज सरुवा भएको हो। नम्र स्वभावका एसएसपी खनाल नेपाल प्रहरीमा व्यावसायिक प्रहरी अधिकृतको रुपमा परिचित छन्। एसपी हुँदा धनुषा र गोरखाको सफल कमान्ड गरेका थिए।
गत शुक्रबार ललितपुरको बालकुमारीमा २ जनाको ज्यान जाने गरी भएको घटनाका कारण एसएसपी सिद्धिविक्रम शाहलाई प्रहरी प्रधान कार्यालय फिर्ता गरिएको थियो ।
खनाल प्रहरी प्रधान कार्यालयमा कार्यरत थिए । खनाल इमान्दार अफिसरका रुपमा चिनिन्छन् ।
