६ जेठ, काठमाडौ । नेपालमा पछिल्लो २४ घण्टामा ८ हजार ३०५ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा।जागेश्वर गौतमले देशभरका विभिन्न प्रयोगशालामा गरिएको २१ हजार ६९५ जनाको पीसीआर परीक्षणमा ८ हजार २२७ र ३९२ जनाको एन्टिजेन विधिबाट गरिएको परीक्षणमा ७८ जना गरी कुल ८ हजार ३०५ जनामा कोरोना पुष्टि भएको जानकारी दिएका हुन् ।
योसँगै नेपालमा कोरोना संक्रमितको संख्या ४ लाख ८८ हजार ६४५ पुगेको छ । यसअघि हिजो नेपालमा ८ हजार १७३ जनामा कोरोना भाइरसको संक्रमण पुष्टि भएको थियो ।
