admin@news24galaxy.com 
९ जेठ, मोरङ । मोरङको सुन्दरहरैचा नगरपालिका–३ का विष्णु ऋषिदेवको हत्या गरेको अभियोगमा प्रहरीले एक युवकलाई पक्राउ गरेको छ ।
पक्राउ पर्ने २३ वर्षीय पुजन राई छन् । ईलाका प्रहरी कार्यालय बेलवारीका अनुसार जेठ ७ मा ४० वर्षीय ऋषिदेवलाई धारीलो हतियारले घाँटी रेटेर हत्या गरिएको अभियोगमा उनलाई पक्राउ गरिएको हो ।
प्रहरीले हत्यामा प्रयोग भएको फलामको दाउ बरामद गरेको बताएको छ । अहिले उनलाई इलाका प्रहरी कार्यालय बेलवारीले ज्यान सम्बन्धी कसुरमा म्याद लिएर अनुसन्धान गरिरहेको छ ।
