admin@news24galaxy.com 
२७ वैशाख, काठमाडौं । टिपरले स्कुटरलाई ठक्कर दिँदा चालकको मृत्यु भएको छ ।
मृत्य हुनेमा भक्तपुर सूर्यविनायक नगरपालिका-८ जगातीका ४० वर्षीय राजाराम सुवालको निधन भएको महानगरीय प्रहरी परिसर भक्तपुरका प्रवक्ता दीपक गिरीले जानकारी दिए । अरनिको राजमार्गको जगातीबाट सूर्यविनायक तर्फ जाँदै गरेको लु २ ख ४५८८ नम्बरको टिपरले विपरीत दिशातर्फ आउँदै गरेको वाग्मती प्रदेश-०२-०२४ प १६८४ नम्बरको स्कुटरलाई ठक्कर दिँदा घाइते सुवालको अन्नपूर्ण न्यूरो अस्पताल काठमाडौँमा उपचारका क्रममा मृत्यु भएको बताइएको छ ।
दुर्घटनामा टिपर चालक लमजुङ बेंसीशहर गाउँपालिका–११ घर भई काभ्रेपलाञ्चोक, बनेपा बस्ने ३५ वर्षीय टार्जन गुरुङ र टिपरलाई प्रहरीले नियन्त्रणमा लिएर कारवाही प्रक्रिया अगाडि बढाएको जनाइएको छ ।
