१८ चैत , काठमाडौं । रौतहटमा नेपाल विद्युत प्राधिकरण मौलापुर वितरण केन्द्रको चुहावट नियन्त्रण टोलीले ठूलो परिमाणमा विद्युतीय मोटरसहितका सामान बरामद गरेको छ।
ईलाका प्रहरी कार्यालय मौलापुरको टोली र देवाही गोनाही सशस्त्र बेस क्याम्पको टोलीको सहयोगमा चुहावट नियन्त्रण टोलीले विभिन्न स्थानबाट ४२ थान मोटर र ५ थान कटर मेसिन बरामद गरेको हो।
हुकिङ गरेर विद्युत चोरिरहेको अवस्थामा बिहीबार राति २६ थान विद्युतीय मोटर, २ थान कटर मेसिन तथा विद्युतीय तार बरामद भएको विद्युत प्राधिकरण मौलापुरका प्रमुख सञ्जिवकुमार दासले बताएका छन् । सो टोलीले २ दिन अघि मात्र १६ थान मोटर र ३ थान कटर मेसिनलगायतका सामान बरामद् गरेको थियो ।
