२१ जेठ , काठमाडौं । अभिनेता मनिष राउतले फिल्म निर्देशन गर्ने भएका छन् ।
‘प्रेम गीत ३’ बाट अभिनयमा उदाउने तयारीमा रहेका मनिषले छायांकनको तयारीमा रहेको ‘शमशेर’बाट निर्देशनमा डेव्यु गर्ने भएका हुन् ।
मुख्य भुमिकामा अभिनय गरेका मनिषले ओस्कार कलेजबाट ब्याचलर गरेका हुन् । ‘फिल्मको स्क्रिप्ट मन परेकोले नै अभिनेतासँगै निर्देशनमा जोडिएको हुँ । आउँदो दिनमा अभिनय र निर्देशनलाई सँगै अगाडी बढाउने छु’ मनिषले भनेका छन् ।
फिल्म छायांकनको तयारीमा रहेका मनिषले सुनिल थापालाई पनि जोडेका छन् । उनले फिल्ममा अभिनय गर्ने भूमिका भने खुलाइएको छैन । अभिनेत्री छनोट भएसँगै वर्कसप गरेर छायांकन सुरु गरिने अभिनेता राउतले बताए ।
फिल्ममा गौरव पहारी, हिमेश पन्त, सुमन गौतम, दिपक कोइराला, सुमन थापा, सबिन शाक्य, रुपेश कार्की, रुपेश लामा, आशिस पराजुली लगायतका कलाकारको पनि अभिनय रहनेछ । एक्सन जनरामा निर्माण गरिने फिल्ममा एभरेष्ट फिल्म एकेडेमी र डी आर डेनिमको लगानी रहनेछ । यसको छायांकन काठमाडौँ, दुबई, सोलुखुम्बु र ढोरपाटनमा गरिनेछ ।
