काठमाडौँ । बैंकिङ्ग कसुर मुद्दाका फरार प्रतिवादीलाई प्रहरीले पक्राउ गरेको छ । पक्राउ पर्नेमा रुपन्देहीको तिलोत्तमा नगरपालिका वडा नम्बर–६ घर भएका ५३ वर्षीय कमल प्रसाद श्रेष्ठ छन् ।
आरोपितलाई ठमेलबाट पक्राउ गरिएको उपत्यका अपराध अनुसन्धान कार्यालयका एसपी रवीन्द्र रेग्मीले रातोपाटीलाई बताए । विनीता कुमारी पौडेलको जाहेरीले कमल प्रसादविरुद्ध जिल्ला अदालत कास्कीबाट पक्राउ पुर्जी जारी भएको छ ।
कास्कीको पोखरा महानगरपालिका–१७ स्थित बिरौटा बस्दै आएका ५३ वर्षीय श्रेष्ठलाई कानुनी कारवाहीका लागी जिल्ला प्रहरी कार्यालय कास्कीमा पठाएको एसपी रेग्मीले जानकारी दिए ।
