कैलाली । कैलालीमा खैरो हेरोईनसहित पाँचजना पक्राउ परेका छन् ।
प्रदेश प्रहरी अनुसन्धान समुह (आरआईटि) सुदुरपश्चिम, लागुऔषध अनुसन्धान ब्युरो कञ्चनपुर र जिल्ला प्रहरी कार्यालय कैलालीको संयुक्त टोलीले धनगढीको देबरियाबाट लागुऔषधसहित पाँच जनालाई पक्राउ गरेको हो ।
पक्राउ पर्नेमा बेलौरी नगरपालिका ६ का २४ वर्षीय राज चौधरी, पुनर्बास नगरपालिका १ का २१ वर्षीय हरिलाल राना, पुनर्बास १ कै ३२ वर्षीय कनैया राना, सोही ठाउँका १८ वर्षीय अर्जुन राना र बेलौरी नगरपालिका ७ का १९ वर्षीय अविसेन राना रहेका छन् ।
उनीहरुको साथबाट ६.८७ ग्राम खैरो हेरोईन बरामद गरिएको छ । उनीहरुलाई पक्राउ गरी थप अनुसन्धानका लागि जिल्ला प्रहरी कार्यालय कैलालीको हिरासतमा रखिएको प्रहरीले जनाएको छ ।
