२४ जेठ , काठमाडौ । सङ्खुवासभाको स्याक्सिलागोलामा खोलाले बगाउँदा एक बालकको मृत्यु भएको छ ।
भोटखोला गाउँपालिका–४ स्याक्सिलागोलामा वाङ खोलाले बगाउँदा भोटखोला–२ च्याम्ताङका चार वर्षीय बुद्धसियन लामाको मृत्यु भएको हो ।
उनी कृष्ण माध्यमिक विद्यालय स्याक्सिलागोलामा कक्षा १ मा अध्ययनरत थिए । लामा बुधबार दिउँसो साथीहरुसँगै विद्यालय नजिकैको वाङ खोलामा खेल्न गएका थिए ।
उनको शव परीक्षणका लागि जिल्ला अस्पताल ल्याइएको जिल्ला प्रहरी कार्यालय सङ्खुवासभाले जनाएको छ ।
