३० असार ,काठमाडौ । प्रधानमन्त्रीमा नियुक्त भएपछि एमाले अध्यक्ष केपी शर्मा ओलीले सबैलाई सम्मान र धन्यवाद दिएका छन् ।
राष्ट्रपति रामचन्द्र पौडेलले प्रधानमन्त्रीमा नियुक्त गरेपछि सामाजिक सञ्जालमार्फत ओलीले सबैलाई सम्मान र धन्यवाद भनेका हुन्।
प्रधानमन्त्री ओलीले फेसबुकमा लेखेका छन्,‘सबैमा सम्मान, सबैलाई धन्यवाद !’ चौथो पटक प्रधानमन्त्री बनेका ओलीको पद तथा गोपनीयताको शपथ सोमबार ११ बजे हुनेछ ।
कांग्रेसका ८८ सांसदको समर्थनमा शुक्रबार राति ओलीले संविधानको धारा ७६ (२) बमोजिम प्रधानमन्त्रीको दाबी पेश गरेका थिए ।
