admin@news24galaxy.com 
२४ असोज , काठमाडौ । दशैं मनाउन काठमाडौं उपत्यकाबाट ८ लाखभन्दा धेरै यात्रु बाहिरिएका छन् ।
नेपाल यातायात व्यवसायी राष्ट्रिय महासंघका अनुसार अहिलेसम्म ८ लाख यात्रु दशैं मान्न काठमाडौं उपत्यकाबाट बाहिरिएका हुन् । यस वर्ष १० लाखको हाराहारीमा यात्रु बाहिरिने अनुमान गरिएको छ ।
यस वर्षको दसैंमा १५ देखि १८ लाख यात्रु उपत्यका बाहिरिने अनुमान गरिए पनि बाढी पहिरोका कारण सडक सञ्चालनमा अवरोध भएपछि अनुमानभन्दा कम बाहिरिएको यातायात व्यवसायी राष्ट्रिय महासंघले जनाएको छ ।
शुक्रबारसम्म दशैंका लागि उपत्यका छोड्ने क्रम जारी रहने भएकाले समग्रमा कति यात्रु उपत्यकाबाट बाहिरिने हुन् भन्ने तथ्यांक आउन बाँकी छ ।
