२३ साउन , काठमाडौ । आफूलाई नेपाल प्रहरीको डिएसपी बताउँदै विदेशबाट फर्किनेहरूको साथबाट सुनका बाला लुटेको अभियोगमा प्रहरीले एक जनलाई पक्राउ गरेको छ ।
प्रहरीका अनुसार पक्राउ पर्नेमा भक्तपुरको चाँगुनारापण–४ बस्ने ३५ वर्षीय सीताराम गुरुङ छन् ।
महानगरीय प्रहरी परिसर काठमाडौँका एसपी रमेश बस्नेतका अनुसार विदेशबाट सुन बोकेर आउनेहरुलाई गुरुङले आफ्नो सहयोगीमार्फत पिछा गर्न लगाउँथे र उनीहरु चढ्ने ट्याक्सी बीच बाटोमा रोकेर ‘डिएसपी हुँ’ भनेर चेकजाँच गर्ने सुन लुटेर भाग्ने गरेका थिए ।
गुरुङको समूहले ६ ठाउँमा त्यसरी सुनका बाला लुटेको प्रहरी अनुसन्धानबाट खुलेको छ । अहिले उनिमाथी थप अनुसन्धान भइरहेको एसपी बस्नेतले बताए ।
