काठमाडौँ । डीआईजी दुर्गा सिंहलाई गण्डकी प्रदेश प्रहरी कार्यालयमा सरुवा गरिएको छ । उपप्रधान एवम् गृहमन्त्री रवि लामिछानेले डीआईजी सिंहलाई गण्डकी प्रदेश कार्यालयमा सरुवा गरेका हुन् ।
सिंह काठमाडौँ उपत्यका प्रहरी कार्यालयमा कार्यरत थिइन् । सिंहलाई गण्डकी प्रदेश प्रमुखको जिम्मेवारी दिइएको गृह मन्त्रालयका एकजना उच्च अधिकृतले बताए ।
यसअघि गण्डकी प्रदेशमा कार्यरत डीआईजी विकाशराज खनालले अवकाश पाएका छन् । उनले ५६ वर्षीय उमेर हदका कारण वैशाख ६ मा अवकाश पाएका हुन् । खनालले अवकाश पाएसँगै गण्डकी प्रदेश प्रहरी कार्यालयमा डीआईजीको पद रिक्त थियो ।
