admin@news24galaxy.com 
३० आषाढ ,काठमाडौ । नेपाल कम्युनिष्ट पार्टीका महासचिव नेत्रविक्रम चन्द विप्लवले माओवादी केन्द्रका अध्यक्ष प्रचण्डसँग भेटवार्ता गरेका छन् ।
कांग्रेस नेतृत्वमा गठबन्धनको नयाँ सरकार बनेसँगै खुमलटारस्थित प्रचण्ड निवास पुगेर विप्लवले प्रचण्डसँग भेटवार्ता गरेका हुन् ।
दुई नेताबीचको भेटवार्तामा के विषयमा छलफल भयो भन्नेबारे केही खुलाइएको छैन । यद्यपी शान्ति प्रक्रियामा आउने सम्झौता गरिसकेको विप्लव समूहले प्रचण्डसँग भेट्नुलाई अर्थपूर्ण रुपमा हेरिएको छ । प्रचण्डसँगको भेटमा विप्लवसँगै नेता धर्मेन्द्र बाँस्तोला पनि खुमलटार पुगेका थिए ।
विप्लव समूहले केपी ओली सरकारसँग शान्ति प्रक्रियामा आउने सम्झौता गरेका थिए । तर सम्झौता बमोजिम पक्राउ परेका नेता कार्यकर्ता रिहा नभएको विप्लव समूहले गुनासो गर्दै आएको छ ।
