.(सागर थापा)
२८ साउन ,काठमाडौ । बाँके। ईलाका प्रहरी कार्यालय जमुनाह प्रहरीले ठूलो मात्रमा चाँदीसहित एकजना पक्राउ परेका छन् ।
मुगुका मुगुम कार्मारोङ गाउँपालिका ६ का कर्माथिले तामाङलाई १५ थान ८५ तोला चाँदीका कन्दनसहित पक्राउ गरिएको ईलाका प्रहरी कार्यालय जमुनाहका प्रमुख पूर्ण खत्रीले जाकनारी दिए ।
रुपैडिहाबाट कपडाको बोरामा चाँदी लुकाएर नेपाल ल्याउँदै गर्दा जमुनाहबाट तामाङलाई पक्राउ गरिएको जिल्ला प्रहरी कार्यालय बाँकेका प्रहरी प्रवक्ता डिएसपी मधुसुदन न्यौपाने बताए ।
बरामद गरिएको चाँदी र तामाङलाई कारबाहीका लागि नेपालगन्ज भन्सार कार्यालयमा पठाएको डिएसपी न्यौपानेले बताए । ‘नाकामा शंकास्पद भएपछि चेकजाँच गरेका थियौं,’ ईलाका प्रहरी कार्यालय जमुनाहका प्रमुख सइ खत्रीका अनुसार कपडाभित्र लुकाइछिपाइ राखेको अवस्थामा चाँदी भेटियो ।’
भन्सार छली गरेर ल्याएको करिब एक लाख ६ हजार बराबरको कपडासमेत प्रहरीले जमुनाहबाट बरामद गरेको बाँके प्रहरी प्रबक्ता डिएसपी न्यौपानेले जानकारी दिए।
