५ माघ , काठमाडौँ । सुनसरीको बराहक्षेत्र नगरपालिका–६ बाट लागूऔषध गाँजा र साइकलसहित २ जनालाई प्रहरीले पक्राउ गरेको छ । पक्राउ पर्नेहरुमा बराहक्षेत्र–३ का २८ वर्षीय नगेन राई र उदयपुरको चौदण्डीगढी नगरपालिका– १ का ३२ वर्षीय नबहाङ किराँती राई रहेको १ नम्बर प्रदेश प्रहरी कार्यालय विराटनगरले जनाएको छ ।
कार्यालयका प्रवक्ता प्रहरी उपरीक्षक (एसपी) नवीनराज राईका अनुसार इलाका प्रहरी कार्यालय महेन्द्रनगरबाट खटिएको क्यु आर टी टोलीले मंगलबार राति सुरक्षा जाँचको क्रममा निजहरुबाट ६ केजी लागूऔषध गाँजा र २ वटा साइकल नियन्त्रणमा लिएको हो । घटनाका सम्बन्धमा थप अनुसन्धान भइरहेको प्रहरीले जनाएको छ ।
