१० चैत , काठमाडौं । आज सेयर कारोबार मापक नेप्से परिसूचक दोहोरो अंकले घटेको छ ।
नेप्से परिसूचक १६ दशमलव ६९ अंकले घटेर २ हजार ६ सय १३ दशमलव ६७ अंकमा झरेको छ । ‘क’ वर्गका कम्पनीहरुको कारोबार मापन गर्ने सेन्सेटिभ इन्डेक्स पनि ६ दशमलव १७ अंकले घटेको छ ।
बुधबार २ अर्ब रुपैयाँको मात्रै सेयर कारोबार भएकोमा बिहीबार ३ अर्ब २४ करोड माथिको सेयर कारोबार भएको छ । दिनभर भएका ४५ हजार ७६ कारोबारबाट २२४ धितोपत्रका ५२ लाख ९८ हजार ५४३ कित्ता सेयर किनबेच भएका छन् । जसबाट कारोबार रकम ३ अर्ब २४ करोड ८९ लाख ४३ हजार ८२५ रुपैयाँ पुगेको छ ।
