१४ साउन , काठमाडौं । काठमाडौंको दक्षिणकालीमा एक युवक मृत अवस्थामा फेला परेका छन् । दक्षिणकाली नगरपालिका-८ छैमलेस्थित ढुंगेल बस्तीको खोल्सामा नुवाकोट घर भएका ३५ वर्षीय धन कुमार राई शुक्रबार मृत अवस्थामा फेला परेका हुन् । यस सम्बन्धमा प्रहरीले थप अनुसन्धान गरिरहेको छ ।
उता दाङको घोराही उपमहानगरपालिका-१० चारबगीया बस्ने बिन्दु पुनकी छोरी ३ वर्षीय लिबिसा पुन घर नजिकै रहेको नहरमा शुक्रबार मृत अवस्थामा फेला परेकी छिन् । उदयपुरको त्रियुगा नगरपालिका-१३ स्थित श्री देवालय राजाजी जोगिपोखरी मन्दिरको पेटिमा पनि सप्तरी ओद्राहा घर भएका ५२ वर्षीय मिश्रीलाल यादव नाम बताउने पुरुष शनिबार मृत अवस्थामा फेला परेका छन् ।
त्यस्तै गुल्मी धुर्कोट गाउँपालिका-५ गानटारी छल्दी खोलाको किनारमा ईस्मा गाउँपालिका-६ बस्ने ३८ वर्षीय टिका बहादुर कुमाल शनिबार मृत अवस्थामा फेला परेका छन् । ईलामको देउमाई नगरपालिका-१ मैदाने बस्ने ३८ वर्षीय थालुमान राई सोही ठाउँस्थित खहरे खोलामा शनिबार मृत अवस्थामा फेला परेका छन् ।
यता पर्साको जगरनाथपुर गाउँपालिका-२ दसिता टोलस्थित गण्डक नहरमा हाल नाम, थर, वतन नखुलेका अन्दाजी ६० वर्षीय पुरुष शुक्रबार मृत अवस्थामा फेला परेका छन् ।
