काभ्रे । काभ्रेमा लागूऔषधसहित दुईजना पक्राउ परेका छन् ।
काभ्रेको बनेपा नगरपालिका ८ बाट एक जना महिला र एक जना पुरुषलाई खैरो हिरोइनसहित इलाका प्रहरी कार्यालय बनेपाले बिहीबार पक्राउ गरेको हो ।
इलाका प्रहरी कार्यालय बनेपाका अनुसार जेठ ३२ गते राति ८ बजेको समयमा बनेपा–८ बाट भोजपुर जिल्लाको टेम्केमैयुङ गाउँपालिका ९ का ३० वर्षीय युवक र काभ्रे तेमाल गाउँपालिकाकी १९ वर्षीया युवतीलाई लागूऔषध नियन्त्रण ब्युरोसहितको प्रहरी टोलीले खैरो हिरोइनसहित नियन्त्रणमा लिएको हो ।
उनीहरूको साथबाट प्रहरीले खैरोहेरोइनजस्तो देखिने पदार्थ ६५ ग्राम, डिजिटल तराजु १ थान, ३ लाख १९ हजार रुपैयाँ र आइफोन-११ एक थान बरामद गरेको गरिएको छ । उनीहरुमाथि थप अनुसन्धान भइरहेको प्रहरीले जनाएको छ ।
