रौतहट । रौतहटको चन्द्रपुर नगरपालिका १० चेतनगर बजारबाट प्रहरीले लागूऔषधसहित दुई जनालाई पक्राउ गरेको छ ।
बिहीबार बिहान लागूऔषध गाँजासहित सर्लाही गडैता नगरपालिका–३ का ८ वर्षीय किसन ठाकुर र रौतहटको बृन्दावन नगरपालिका–९ का ३८ वर्षीय हरिन्द्र साहलाई पक्राउ गरेको हो ।
उनीहरुलाई १३ वटा प्लास्टिकको पुरियामा लागूऔषध गाँजा बेच्दै गरेको अवस्थामा पक्राउ गरिएको इलाका प्रहरी चन्द्रनिगाहपुरले जनाएको छ ।
पक्राउ परेका दुवैलाई लागूऔषधसम्बन्धी मुद्दामा अदालतबाट म्याद थप गरेर प्रहरीले अनुसन्धान थालेको छ ।
