काठमाडौँ । प्रतिबन्धित लागुऔषधसहित एक जना पक्राउ परेका छन् । पक्राउ पर्नेमा झापा दमक नगरपालिका ८ का ३५ वर्षीय नवीन बस्नेत रहेका छन् ।
मंगलबार भारतबाट नेपालतर्फ आउँदै गरेका उनलाई चेकजाँच गर्दा प्रतिबन्धित लागुऔषध खैरो हेरोइन २ ग्राम ५०० मिलिग्राम फेला परेको प्रहरीले जनाएको छ ।
उनलाई नियन्त्रणमा लिएर इलाका प्रहरी कार्यालय काँकरभिट्टामा राखी थप अनुसन्धान भइरहेको जिल्ला प्रहरी कार्यालय झापाका निमित्त कार्यवाहक सूचना अधिकारी ढुण्डिराज गिरीले जानकारी दिए ।
