काठमाडौं । नेपाल प्रहरीको अतिरिक्त महानिरीक्षक (एआईजी) मा दुईजना बढुवा सिफारिस भएका छन् ।
बढुवा सिफारिस समितिको सोमबारको निर्णयअनुसार गृह मन्त्रालयले दुईजना प्रहरी नायव महानिरीक्षकलाई अतिरिक्त महानिरीक्षक पदमा बढुवा गर्ने सिफारिस सूची प्रकाशित गरेको हो ।
बढुवा सिफारिसमा पर्नेहरुमा उमेशराज जोशी र भिम प्रसाद ढकाल रहेका छन् । जोशीले कुल १ सय पूर्णांकमा ७३.८३६८ अंक पाएका छन् भने ढकालले ७३.६३०६ अंक पाएका छन् ।
प्रहरी अतिरिक्त महानिरीक्षक द्वय मिरा चौधरी र सन्दीप भण्डारी यसै सात अवकाशमा जाँदै छन् । भण्डारी आजबाट र चौधरी वैशाख ६ बाट अवकाशमा जान लागेका हुन्।
