४ जेठ , काठमाडौ । इलाका प्रशासन कार्यालय, थारमारे, सल्यानमा कार्यरत कम्प्युटर अपरेटर (नासु) गणेश भण्डारीलाई प्रहरीको केन्द्रीय अनुसन्धान ब्यूरोले बुधबार पक्राउ गरेको छ ।
नक्कली लाइसेन्सको छानविनमा उनी पक्राउ परेका हुन् । भण्डारी यसअघि यातायात कार्यालयमा रहँदा परीक्षा नै नदिई लाइसेन्स वितरणमा संलग्न रहेको खुलेपछि सिआइबीले पक्राउ गरेको हो ।
सोही घटनामा यातायात व्यवस्था विभागका कार्यरत कम्प्युटर अपरेटर दीपा न्यौपानेलाई पनि पक्राउ गरेको छ ।
यातायात व्यवस्था विभागका १० पूर्वमहानिर्देशकमाथि पनि सिआइबीले छानविन गरिरहेको छ ।
