admin@news24galaxy.com 
७ असोज , काठमाडौ । धनुषामा हिरासत फोडेर भागेका सात थुनुवा पक्राउ परेका छन्।
जिल्ला प्रहरी कार्यालय धनुषाको हिरासत फोडेर भागेका सात थुनुवालाई प्रहरीले पक्राउ गरेको हो। हिरासतको भेन्टिलेसन फोडेर ९ थुनुवा फरार भएका थिए । फरारमध्ये सत्यम झालाई प्रहरीले बिहानै पक्राउ परेको थियो।
उनलाई जनकपुरबाट पक्राउ गरिएको थियो। मनिष मण्डल र विशाल मुखिया फरार छन्। उनीहरूको खोजी भइरहेको धनुषा प्रहरीले जनाएको छ । अमितकुमार झा, रञ्जित मण्डल, रोशनकुमार मण्डल, भाष्करकुमार यादव पक्राउ परेका हुन्। उनीहरू लागुऔषध खैरो हेरोइनसहित पक्राउ परेका थिए।
सुमित मेस्तर र बिक्की कार्कीलाई पनि दिउँसो पक्राउ गरिएको हो। उनीहरू अभद्र व्यवहार मुद्दा पक्राउ गरिएको थियो। उनीहरूलाई धनुषाको औरही गाउँपालिकास्थित नेपाल(भारत सिमा आसपासबाट पक्राउ गरिएको हो ।
आज बिहान करिब ४ बजेको समयमा थुनुवा कक्षको भेन्टिलेशन फोडेर उनीहरु भागेका थिए। हिरासतमा १० जना रहेकामा एक जना भने भागेका थिएनन्।
