१९ पुष , काठमाडौ । कञ्चनपुरको भीमदत्त नगरपालिका-१९, बागफाटामा ट्याक्टर पल्टिँदा ट्याक्टरमा सवार एकजनाको मृत्यु भएको छ ।
दुर्घटनामा गम्भीर घाइते भएका स्थानीय ३२ वर्षीय सुरेन्द्र विष्टको उपचारका क्रममा प्रादेशिक अस्पताल अत्तरियामा गएराति मृत्यु भएको हो ।
आइतबार राति करिब साढे ९ बजे ‘अन टेस्ट’ ट्याक्टर पल्टिएको थियो । ट्याक्टरसहित चालकलाई नियन्त्रणमा लिइएको प्रहरीचौकी बागफाटाले जनाएको छ ।
