१६ वैशाख , काठमाडौ । काठमाडौंको सिनामंगलबाट युवक अपहरण गरेको आरोपमा प्रहरीले ५ जनालाई पक्राउ गरेको छ ।
बिहीबार साँझ ५ जनालाई पक्राउ गरिएको जिल्ला प्रहरी परिसर काठमाडौंका एसपी दिनेशराज मैनालीले news24galaxy.com लाई बताए । पक्राउ पर्नेमा रुकुम घर भएका सञ्जन वलीसहित निरज केसी, सौजन्य सिंह, आशिष कोजु र सन्तोष न्यौपाने रहेका छन् ।
एकजना युवकलाई अपहरण गरेर स्कोर्पियोमा हालेको सूचनाका आधारमा आरोपीहरुलाई पक्राउ गरिएको एसपी मैनालीले बताए । उनले भने– ‘घटनाबारे थप अनुसन्धान हुँदैछ ।’
