२१ जेठ , काठमाडौं । रुकुम (पूर्व)मा ट्र्याक्टर दुर्घटना हुँदा दुई जनाको मृत्यु भएको छ ।
जिल्ला प्रहरी कार्यालय रुकुम (पूर्व) का अनुसार गएराती सिस्ने गाउँपालिका–४ दादीङमा रा १ त १६१६ नम्बरको ट्र्याक्टर दुर्घटना हुँदा दादीङका १५ वर्षका आकाश बुढा र ५० वर्षीया नन्दी बुढाको मृत्यु भएको हो ।
त्यस्तै उक्त दुर्घटनामा दुई जना घाइते भएका छन् । घाइतेको रुकुम (पूर्व) कै अस्पतालमा उपचार भइरहेको छ । सो दुर्घटनाबारे थप अनुसन्धान भइरहेको प्रहरीले जनाएको छ ।
