१३ कार्तिक , काठमाडौं । फ्रन्च वान लिगमा पेरिस सेन्ट जर्मेन (पीएसजी) ले ट्रोयसलाई ४–३ ले हराएको छ ।
घरेलु मैदानमा पीएसजीका लागि मेसी, एमबाप्पे, नेयमार र सोलरले गोल गरे । डिफेन्डिङ च्याम्पियन पीएसजीले २ पल्ट पछाडि रहेको स्थिति उल्टाएको थियो ।
मेसी र नेयमारले १–१ असिस्ट पनि दिए । एमबाप्पेले पेनाल्टीबाट गोल गरे । ट्रोयर्सका बाल्डेले २ र पलाभर्साले १ गोल गरे ।
अंक तालिकाको शीर्ष स्थानमा रहेको पीएसजीले १३ खेलबाट ३५ अंक जोडेको छ ।
