५ भाद्र , काठमाडौ । नेपाली भ्लगर तथा राइडर सुरक्षा केसी युट्युबमा १० लाख सब्सक्राइबर पाउने पहिलो नेपाली महिला मोटो-भ्लगर बनेकी छन् । उनको ‘सुरक्षा केसी अफिसियल’ च्यानललाई १ मिलियनभन्दा धेरैले पछ्याएका छन् ।
नृत्य र राइडिङका छोटा भिडियो हालेर १० वर्षअघि उनले च्यानल थालेकी थिइन् । पछिल्लो समय उनले बनाउने मोटो-भ्लगका भिडियोलाई दर्शकले रुचाएका छन् ।
उनले पछिल्लो समय भारतको मनाली, नुर्बा भ्याली, लद्दाख लगायतको थलोका भिडियो हालेकी थिइन्, जसलाई दर्शकले रुचाएका छन् । म्याग्दी घर भएकी सुरक्षाका श्रीमान विविधजंग थापा (मोटो भ्लगर) लाई पनि युट्युबमा झन्डै १६ लाखले पछ्याएका छन् ।
