२२ जेठ , काठमाडौ । मकवानपुर कैलाश गाउँपालिकामा गाँजासहित प्रहरीले तीन जनालाई पक्राउ गरेको छ ।
पक्राउ पर्नेमा मकवानपुर कैलाश गाउँपालिका-७ का ४७ वर्षीय हिराबहादुर मोक्तान, २४ वर्षीय रामकुमार मोक्तान र २४ वर्षीय ठाकुर सुनार छन् ।
प्रहरी चौकी चैनपुरबाट खटिएको टोलीले शनिबार दिउँसो उनीहरूलाई काक्सिराङ गाउँपालिका-५ बाट पक्राउ गरेको हो। पैदल हिँडिरहेका उनीहरूले बोकेको झोलामा १२ किलो ३ सय ग्राम गाँजा फेला परेको मकवानपुरका प्रहरी उपरीक्षक सोमेन्द्रसिंह राठौरले बताए ।
पक्राउ परेकालाई हिरासतमा लिएर आवश्यक कारबाही थालिएको उनले बताए ।
