२ असार काठमाडौ । रोपाइँ गरेर घर फर्कने क्रममा लमजुङको मध्यनेपाल नगरपालिकास्थित खोलामा आएको बाढीमा फसेकाहरुलाई डोजरको सहायताले स–कुशल उद्धार गरिएको छ ।
नगरपालिककाका मेयर रमेश पाण्डेका अनुसार बाढीका कारण रातभर खोलामै फसेका मध्यनेपाल नगरपालिका–७ रातमाटाका ९ जना स्थानीयलाई स–कुशल उद्धार गरिएको हो ।
मंगलबार रोपाइँ गर्न गएका उनीहरू मिदिम खोलामा बाढी आएपछि रातभर खोलाको बीचमै रोकिएकका थिए । मेयर पाण्डेका अनुसार उनीहरुलाई बुधबार बिहान खोलामा डोजर लगाएर पानी कटाई त्यही डोजरको बकेटमा राखेर उद्धार गरिएको हो ।
खोलाको बीच भागमा फसेका उनीहरूको उद्धारका लागि हेलिकप्टरलाई बोलाइए पनि खराब मौसमले जान सकेको थिएन ।
