२५ बैशाख , काठमाडौं । दाङको घोराही उपमहानगरपालिका–११ भाइरल रोडमा मोटरसाइकल दुर्घटना हुँदा चालकको मृत्यु भएको छ ।
मृत्यु हुनेमा लमही नगरपालिका ९ रिहारका २४ वर्षीय सुनिल चौधरी रहेका छन् ।
रा २ प ६५ ३४ नम्बरको मोटरसाइकल गए राति १२ बजे अनियन्त्रित भइ पल्टिएको थियो ।
दुर्घटनामा गम्भीर घाइते भएका उनको उपचारका क्रममा राप्ति स्वास्थ्य बिज्ञान प्रतिष्ठान घोराहीमा रातीनै मृत्यु भएको जिल्ला प्रहरी कार्यालय दाङले जनाएको छ ।
