१ फागुन, काठमाण्डौं । राष्ट्रिय प्रजातन्त्र पार्टी परित्याग गरेका कमल थापाले नयाँ पार्टी खोल्ने तयारीमा जुटेका छन् ।
पूर्व उपप्रधानमन्त्री समेत रहेका नेता थापाले राष्ट्रिय प्रजातन्त्री पार्टी नेपाल खोल्ने लागेको बताइएको छ । राप्रपा परित्याग गरेपछि सञ्चारमाध्यममा कुराकानी गर्दै आफूले नयाँ पार्टी दर्ता गर्ने बताए पनि त्यसको नाम भने खुलाएका थिएनन् ।
गत मंसिर १५ गतेबाट १७ गतेसम्म काठमाडौंमा जारी राप्रपाको महाधिवेशनबाट केन्द्रीय अध्यक्षमा हारेपछि थापा अस्थिर देखिएका थिए । निरन्तर आफूमाथि षडयन्त्र भएको टिप्पणी गर्दै आएका नेता थापाले नयाँ दल दर्ता गर्ने तयारी गरेका हुन् ।
