१६ साउन , काठमाडौ । विश्वभर १७ करोड ८८ लाखभन्दा धेरै व्यक्तिले कोरोना भाइरसको संक्रमण जितेका छन् ।
पछिल्लो २४ घण्टामा ३ लाख ८६ हजार ८५० जना संक्रमणमुक्त भएका छन् । योसँगै विश्वभर संक्रमणमुक्त हुनेको संख्या १७ करोड ८८ लाख ७९ हजार १३३ पुगेको छ ।
यस्तै पछिल्लो २४ घण्टामा ६ लाख ३९ हजार १५७ जनामा संक्रमण पुष्टि भएको छ । योसँगै संक्रमित संख्या १९ करोड ७९ लाख ६३ हजार ५९६ पुगेको छ ।
होम तथा संस्थागत आइसोलसनमा रहने सक्रीय संक्रिमतको संख्या १ करोड ४८ लाख ६१ हजार २१० छ । यसमध्ये ८७ हजार ४९७ जनाको अवस्था गम्भीर रहेको वर्ल्डोमिटर्सले जनाएको छ ।
पछिल्लो २४ घण्टामा विश्वभर ९ हजार २४४ जनाको मृत्यु भएको छ । योसँगै विश्वभर कोरोनाले मृत्यु हुनेको संख्या ४२ लाख २३ हजार २५३ पुगेको छ ।
अमेरिका फेरि बढ्दै संक्रमण
कोरोना भाइरसको खोप तीव्र पारेपछि अमेरिकामा कोरोना भाइरसको संक्रमण नियन्त्रणउन्मुख देखिएकोमा फेरि बढ्न थालेको छ ।
खोप भएपनि लगाउन नमान्ने तथा मास्क लगाउन छाड्नेहरुका कारण त्यहाँ नयाँ भेरियन्टसहितको संक्रमण फैलिन थालेको विज्ञहरुले जनाएका छन् ।
विश्वमा सबैभन्दा बढी संयुक्त राज्य अमेरिका प्रभावित भएको छ । हालसम्म अमेरिकामा ६ लाख २८ हजार ९३३ जनाको मृत्यु भएको छ ।
त्यहाँ पछिल्लो २४ घण्टामा ९९ हजार ७४ जनामा संक्रमण पुष्टि भएको छ । योसँगै अमेरिकामा कोरोना संक्रमितको संख्या ३ करोड ५६ लाख ८८ हजारभन्दा धेरै पुगेको छ ।
यसैगरी ब्राजिलमा ५ लाख ५५ हजार ५१२ जना, भारतमा ४ लाख २३ हजार ८४२ जना, रूसमा १ लाख ५७ हजार ७७१ जना, बेलायतमा १ लाख २९ हजार ५८३ जना, फ्रान्समा १ लाख ११ हजार ८२४ जना, इटालीमा १ लाख २८ हजार ४७ जनाको मृत्यु भएको छ ।
