सुदूरपश्चिम प्रदेश प्रहरी प्रमुख डिआईजी अशोक सिंहले जिल्ला प्रहरी कार्यालय डडेल्धुराको निरीक्षण गर्नुको साथै जिल्लामा कार्यरत सम्पुर्ण प्रहरी कर्मचारीहरुलाई कडा निर्देशन दिनुभएको छ ।
उक्त अवसरमा डिआईजी अशोक सिंहले अपराध अनुसन्धानमा अझ बढी केन्द्रित र गम्भीर भएर जघन्य अपराध, फरार अपराधी पक्राउ लगायत अपराधको अनुसन्धानलाई उच्च प्राथमिकतामा राखी काम गर्न निर्देशन दिनुभयो ।
जिल्लाको दैनिक काम कारबाहीलाई चुस्त दुरुस्त बनाई आ-आफ्नो जिम्मेवार वडा एरियाहरुमा शान्ति सुरक्षा,अपराध नियन्त्रण र खुल्ला सिमानाकाहरुबाट हुने अपराधिक गतिबिधी,अबैंध चोरी तस्करीलाई नियन्त्रण गर्न सिमा क्षेत्रहरुमा ब्यापक रुपमा प्रहरी परिचालन गरि कडाईका साथ चेक जाँच गर्न बताएका छन् ।
समुदाय-प्रहरी साँझेदारी कार्यक्रमलाई अझ प्रभावकारी रुपमा कार्यान्वयन गर्न सम्बन्धित सबै सरोकारवाला निकायहरुसंग आवश्यक समन्वय र सहकार्य गरि समाजमा बढिरहेको आत्महत्या,लागु औंषध सेवन,साईबर अपराध,सवारी दुर्घटना लगायतका सामाजिक बिकृती बिसंगती न्युनिकरण गर्न बिषेश योजना बनाई लागु गर्नु पर्ने । प्रहरी परिचालनको सिलसिलामा प्रहरी कर्मचारीहरुले स्वार्थ वा प्रलोभनमा नपरि कुनै पनि गैरव्यावसायिक क्रिलाकलापमा संलग्न नभई शुन्य सहनशिलतामा कार्य गर्न समेत निर्देशन दिनुभयो ।
