काठमाडौं । नेपाल प्रहरीका महानिरीक्षक (आईजीपी) वसन्त कुँवर सिंगापुर जाने भएका छन् ।
अन्तर्राष्ट्रिय प्रहरी सङ्गठन (इन्टरपोल)को बैठकमा सहभागी हुन आईजीपी कुँवर सिंगापुर जान लागेका हुन् ।
जेठ २४ मा कुँवर सिंगापुर प्रस्थान गर्ने प्रहरी प्रधान कार्यालयले जनाएको छ ।
कुँवरसँग प्रहरी प्रधान कार्यालयस्थित इन्टरपोल शाखाका एसपी अनुपम शमशेर जबरा पनि सहभागी हुनेछन् ।
इन्टरपोलको नियमित बैठक जेठ २५,२६ र २७ मा सिंगापुरमा आयोजना गरिएको छ ।
