२१ साउन ,काठमाडौ । काठमाडौंको तारकेश्वर नगरपालिका वडा न ३ मा पहिरोले घर पुरिँदा दुई जनाको मृत्यु भएको छ । शनिबार बेलुका ८ बजे तारकेश्वर नगरपालिका ३ चोगाउँस्थित चन्द्र तामाङको घर पुरिँदा भाडामा बस्ने दुई जनाको मृत्यु भएको हो ।
मृत्यु हुनेमा नुवाकोटको सामरी घर भई भाडामा बस्दै आएका ४१ वर्षीय गणेश तामाङ र उनकी १५ वर्षीय आश्मा तामाङ छन्। गणेशकी श्रीमती सञ्जु तामाङ भने घरबाहिर रहेका कारण सामान्य घाइते भएकी छन।
मृतक बाबुछोरीको शव पोस्टमर्टमका लागि त्रिवि शिक्षण अस्पतालमा राखिएको छ ।
