काठमाण्डौँ , २ माघ । रुपन्देहीको बुटवलमा एक युवक सडक किनारको खाल्डोमा मृत फेला परेका छन् ।
प्रहरीका अनुसार आज बिहान गुल्मी स्थायी घर भई हाल बुटवलमा बस्दै आएका शोभाखर पन्थ मृत फेला परेका हुन । पन्थ कलाकारिताको क्षेत्रमा काम गर्दै आएका थिए ।
उनीसँगै लु ७० प १३५३ नम्बरको मोटरसाइकल पनि दुर्घटनाग्रस्त अवस्थामा फेला परेको छ । बुटवलको योगीकुटीबाट पश्चिमतर्फ जाँदै गर्दा पन्थ गएराति दुर्घटनामा परेर खाल्डोमा खसेको हुन सक्ने प्रहरीले प्रारम्भिक अनुमान गरेको छ । उक्त घटनाबारे थप अनुसन्धान भइरहेको इलाका प्रहरी कार्यालय बुटवलले जनाएको छ ।
