१६ भदौ , काठमाडौ । बाँकेको राप्ती सोनारी गाउँपालिका–८ ठुरे जंगलमा सवारी साधनको ठक्करबाट पैदलयात्रीको मृत्यु भएको छ ।
मृत्यु हुनेमा अन्दाजी ४० वर्षीय पुरुष रहेका छन् । उनको सनाखत हुन सकेको छैन । गम्भीर घाइते भएका पुरुषलाई प्रहरीले उद्धार गरी अस्पताल पुर्याए लगत्तै चिकित्सकले मृत घोषणा गरेका थिए ।
हिजो बेलुकी पौने ८ बजे नम्बर नखुलेको सवारी साधनले पैदलयात्री ठक्कर दिई फरार भएको हो ।
सवारी साधन सहित फरार रहेका चालकको खोजी भइरहेको प्रहरी चौकी ढकेरीले जानकारी दिएको छ ।
