६ कार्तिक , काठमाडौं । झापामा १६ वर्षीया किशोरीमाथि बलात्कारको आरोपमा एकजना पक्राउ परेका छन् ।
इलाका प्रहरी कार्यालय काँकडभिट्टाबाट खटिएको टोलीले मेचीनगर नगरपालिका–७ का ५४ वर्षीय नन्दप्रसाद पौडेललाई पक्राउ गरेको हो । उनी सोही ठाउँस्थित टी गार्डेनमा गार्डका रूपमा कार्यरत थिए ।
किशोरीलाई गार्ड सुत्ने कोठामा लागेर बलात्कार गरेको उजुरीका आधारमा पौडेललाई पक्राउ गरेको प्रहरीले जनाइएको छ ।
