१० मंसिर , काठमाडौँ । सुनसरी- ४ मा प्रतिनिधिसभातर्फको मतगणना रोकिएको छ । मत गणनामा कांग्रेसले धाँधलीको आशंका गरेपछि मतगणना रोकिएको हो ।
मत गणनाको विवरण रुजु गर्ने क्रममा कर्मचारीले मत विवरण थपघट गरेको पाइएको भन्दै कांग्रेसका उम्मेदवार ज्ञानेन्द्रबहादुर कार्कीले घटना छानबिनको मागसहित सर्वदलीय बैठक माग गरेका छन् ।
मतगणना रोकिनुअघिसम्म पछिल्लो मत परिणाम अनुसार कार्की २३ हजार ४३९ मतका साथ झिनो अग्रतामा छन् । एमाले जगदिश कुसियैतले २३ हजार ३४१ मत पाएका छन् ।
