५ आश्विन , काठमाडौं । सुनसरीमा सिटी सफारीको ठक्करबाट पैदल यात्रीको मृत्यु भएको छ ।
इटहरी उपमहानगरपालिका ९ फुलबारी टोलमा सिटी सफारीको ठक्करबाट पैदल यात्री वृद्ध इटहरी ५का ८२ वर्षीय उमाकान्त भण्डारीको मृत्यु भएको हो ।
हिजो बेलुका साढे ५ बजे भित्री सडकखण्डमा प्रदेश १ ०२ ००३ ह ३०४१ नम्बरको सिटी सफारीले वृद्धलाई ठक्कर दिएको थियो । घाइते उनको न्यूरो अस्पतालमा मृत्यु भएको हो ।
सवारी साधनसहित चालकलाई नियन्त्रणमा लिएको इलाका प्रहरी कार्यालय इटहरीले जनाएको छ ।
